Ҳозирги кунда кўп тарқалган касалликлардан бири бактериал табиатли ўткир юқумли ичак касаллиги ҳисобланади. ЖССТ маълумотига кўра ҳар йили ўткир юқумли ичак касаллиги билан 275 миллиондан ортиқ киши касалланганлиги рўйхатга олинган бўлиб, шундан ўртача ўлим кўрсаткичи 19,2% ни ташкил қилган.
Ҳозирги кунда кўп тарқалган касалликлардан бири сальмонёллез касаллиги ҳисобланади. Сальмонеллёзлар муаммосининг назарий ва амалий масалалари Қорақалпоғистон Республикасида ҳозирги давргача етарлича ўрганилмаган, бу эса ўз навбатида ушбу касалликка қарши қилинадиган чора-тадбирларнинг самарадорлигига салбий таъсир кўрсатади. Сальмонеллёзлар билан касалланиш кўрсаткичи, уларнинг этиологик омиллари ва эпидемик жараёнинг намоён бўлиши ҳар хил ҳудудларда бир хил эмас.